Аҕыйах күнүнэн лааҕырга сурутуу саҕаланар

Саха сиригэр лааҕырга сурутуу ыам ыйын 15 күнүгэр, бээтинсэҕэ, олохтоох бириэмэнэн сарсыарда 09:00 чааска саҕаланыаҕа.

Сайабылыанньаны  «Госуслуги» портал нөҥүө ыытыллар эбэтэр туһааннаах тэрилтэҕэ тиийэн бэриллэр.

Үөрэх министиэристибэтэ иһитиннэрэринэн, Приморскай кыраай чэбдигирдэр лааҕырдарыгар 327 оҕо сынньана барара былааннанар. Онтон 137-тэ – «Арктика оҕолоро» федеральнай бырагырааманан, 190-на – «Үөрэҕирии сайдыыта» судаарыстыба бырагырааматын чэрчитинэн, ол иһигэр 110 оҕо – анал байыаннай дьайыы кыттыылааҕын дьиэ кэргэниттэн.

Квоталар биэдэмистибэ икки ардыларынааҕы хамыыһыйа бигэргэппитин кэннэ муниципальнай оройуоннарга уонна куорат уокуруктарыгар  ыытыллыахтара.