«Аҕа күрэҕэ-2026»: Көрсүөххэ диэри Аммаҕа!

Иккис миэстэни Мэҥэ Хаҥаластан Максим уонна Андрей Пивоваровтар ыллылар. Үһүс бочуоттаах миэстэҕэ Чурапчы улууһуттан Саян уонна Сергей Крыловтар тигистилэр.

Дьиэ кэргэн сыаннаһын, аҕа оруолун үрдэтэр, кэнчээри ыччакка норуот төрүт үгэстэрин тиэрдэр дириҥ ис хоһоонноох күрэххэ быйыл барыта 13 хамаанда кытынна.

Дьокуускай куорат аатын Владислав, Бувайсар Беляевтэр уонна Александр, Алтан Лебедевтэр көмүскээтилэр. Александр Алтанныын биэс бастыҥ иһигэр киирэри ситистилэр.  

Санатар буоллахха, куораттааҕы күөн күрэскэ Лебедевтэр  (Киин уокурук) муҥутуур кыайыылаах аатын сүкпүттэрэ. Оттон Октябрьскай уокурук аатыттан кыттыбыт Беляевтэр II миэстэни ылбыттара.  

Бэлиэтээн эттэххэ, 2024 сыллаахха Ил Дархан Айсен Николаев уурааҕынан сыл аайы элбэх оҕолоох алта аҕаҕа «Ытык аҕа» бэлиэ туттарыллар. Итиэннэ бу көҕүлээһин иитинэн оҕону иитиигэ уһулуччу үтүөлэрин иһин 100 тыһ. солк. кээмэйдээх биир кэмнээх харчынан наҕараада көрүллэр. Наҕараадалааһын сылга иккитэ – Саха сиригэр Аҕа күнүгэр уонна Бүтүн Арассыыйатааҕы Аҕа күнүгэр буолар.