Аҕа дойду Улуу сэриитин сыыппаралара, чахчылара

Сэрии 1418 күн устата барбыта 

Аҕа дойду Улуу сэриитэ 1941 сыл бэс ыйын 22 күнүгэр саҕаламмыта. 3 сыл 10 ый уонна 18 күн эбэтэр 1418 күн уонна түүн салҕаммыта. Оттон Аҕа дойду Улуу сэриитин саамай уһун сэриитэ – Ленинград туһугар – 1126 күн устата буолбут. Онтон куорат блокадатыгар 871 күн барбыт.

Москва иһин киирсиигэ 7 мөлүйүөнтэн тахса киһи кыттыбыт

Итинник рекорднай ахсааннаах киһи быһа холоон Москва кыргыһыытыгар кыттыбыта (1941 сыл балаҕан ыйын 30 күнэ — 1942 с. муус устар 20 күнэ). Тэҥнээн көрдөххө: саамай улахан сэрии быһыытынан Гиннесс рекордарын Кинигэтигэр киллэриллибит Берлин эпэрээссийэтигэр 4 мөлүйүөн киһи кыттыыны ылбыт.

Сэриигэ 26,6 мөлүйүөн киһи өлбүт

Сэрии бүппүтүн кэннэ Сталин бойобуой кыргыһыы кэмигэр 7 мөлүйүөн киһи өлбүтүн туһунан “официальнай” сыыппараны ааттаабыт. Өлбүт нэһилиэнньэни дьиҥнээх ааҕыы 80-с сыллар бүтүүлэригэр эрэ саҕаламмыта эрээри, баччааҥҥа диэри олохторун толук уурбуттар дьиҥнээх ахсааннарын боппуруоһа аһаҕас. РФ оборонаҕа Министиэристибэтин билиҥҥи чахчыларыгар этиллэринэн, Аҕа дойду Улуу сэриитин кэмигэр ССРС уопсай сүтүгэ 26,6 мөлүйүөн кэриҥэ киһи буолбут, олортон 12 мөлүйүөн кэриҥэ — байыаннай сулууспалаахтар. Онуоха официальнайа суох источниктарга сэрии сылларыгар өлбүттэр ахсааннара 43 мөлүйүөн киһиэхэ тиийэр.

2,5 триллион солкуобайтан тахса суумалаах хоромньу

Официальнай дааннайынан, сэрииттэн ССРС материальнай хоромньута – сэрии иннинээҕи сыананан 2,5 триллион солкуобайтан тахса. Бу ССРС национальнай баайын 30% кэриҥэ, оттон оккупацияламмыт оройуоннарга – 65% кэриҥэ. Аҕа дойду Улуу сэриитин сылларыгар 1710 куорат уонна 70 тыһыынча кэриҥэ дэриэбинэ бүтүннүү урусхалламмыта, күлгэ-көмөргө кубулуйбута.

«Берлини ылыы иһин» мэтээли 1 мөлүйүөнтэн тахса киһи ылбыт

Олор истэригэр – Сэбиэскэй Сойуус Маршаллара Георгий Жуков уонна Иван Конев бааллар. Наҕараадалар үксүлэрэ сэрии бүппүтүн кэннэ бастакы үс сылга туттарыллыбыттара, ону байыаннай бэйэтин байыаннай чааһыгар, олорор сирдээҕи байыаннай комиссариакка демобилизацияланан да баран ылыан сөбө.

Кэлин аймахтарыгар “Берлини ылыы иһин” мэтээлин бэйэлэригэр өйдөбүнньүк гынан хаалларарга көҥүллээбиттэрэ.

News.mail.ru сайтан тылбаастанна