Аҕа дойду сэриитин кыттыылаахтарыгар төлөбүрдэри нэдиэлэ бүтүөр диэри оҥоруохтара

Маннык дьаһалы Ил Дархан Айсен Николаев бүгүн Быраабыыталыстыба уонна дьаһалта салалтатын кытта мунньахха биэрдэ. 

Улуу Кыайыы 80 сылынан Аҕа дойду сэриитин бэтэрээннэригэр оҥоһуллар төлөбүрү 2 мөл. солк. диэри үрдэтэр туһунан Айсен Николаев Ил Түмэҥҥэ Туһулааһыныгар этэн турар. 
Маны тэҥэ олунньу 20 күнүгэр диэри сэрии кыттыылаахтарын огдооболоругар, Лениград блокадатын, концлааҕырдар сиэртибэлэригэр бары анаммыт төлөбүрдэри барытын оҥорорго сорудахтаата.
«Аҕа дойду сэриитин кыттыылаахтарыгар төлөбүр икки мөлүйүөн солкуобайга диэри улаатыаҕа. Сэрии кыттыылаахтарын огдооболоругар, Ленинград блокадатын, концлааҕырдар сиэртибэлэригэр, тыыл бэтэрээннэригэр уонна сэрии оҕолоругар төлөбүрдэр эмиэ улаатыахтара. Бу барыта кыайыыны уһансыбыт көлүөнэҕэ махталбыт бэлиэтин сорҕото эрэ. Кинилэр аан дойдуга эйэлээх олох сатыылыырыгар оҥорбут үтүөлэрэ тугунан да кэмнэммэт», – диэн турар Айсен Николаев, диэн Ил Дархан уонна Бырабыыталыстыба пресс-сулууспата иһитиннэрэр.