98 тыһыынча кэриҥэ оҕо төрөппүтүгэр босуобуйа ананна

Ааһан эрэр 2025 сылга өрөспүүбүлүкэҕэ 17-гэр диэри саастаах 98 256 оҕо төрөппүтүгэр биир кэлим босуобуйа ананна. Өйөбүл бу көрүҥүнэн маны сэргэ 3 529 хат дьахтар туһанна, диэн ахсынньы 9 күнүгэр Социальнай пуонда управлениетын начаалынньыгын солбуйааччы Алексей Шамаев иһитиннэрдэ.
Биир кэлим босуобуйаны 17-гэр диэри саастаах оҕолоох төрөппүттэр уонна учуокка эрдэ турбут хат дьахталлар региоҥҥа тиийинэн олоруу муҥутуур алын кээмэйиттэн намыһах дохуоттаах түгэннэригэр ылар бырааптаахтар. Маныаха дьиэ кэргэн сайабылыанньаны биэрбит ый иннинээҕи 12 ыйдаах уопсай дохуота ааҕыллар уонна дьиэ кэргэн хас биирдии чилиэнигэр үллэһиллэр. Бу суума тииһинэн олоруу муҥутуур алын кээмэйиттэн намыһах түгэнигэр, биир кэмнээх төлөбүр ылар быраап үөскүүр.

Оттон босуобуйа кээмэйэ хас биирдии ыалга тус-туһунан ааҕыллан, тииһинэн олоруу муҥутуур алын кээмэйин 50%, 75% эбэтэр 100% тэҥнэһиэн сөп.

Сиһилии информацияны биир кэлим контакт-киинтэн билсиҥ: 8-800-100-00-01 (эрийии босхо), диэн Ил Дархан уонна Бырабыыталыстыба пресс-сулууспата иһитиннэрэр.