90 гараас кэпэрэтиибэ кыһын тоҥор кутталлаах

ДЭК Саха сиригэр өҥөнү биэрэр 359 кэпэрэтиибиттэн 235-һэ энергоресурсалары туһаныы иһин иэстээхтэр. Сорох кэпэрэтииптэр хастыы эмэ сыллар устата иэстэрин төлөөбөттөр. Ол курдук саамай улахан иэс Новопортовской кыбаарталга баар ГСПК «Комета» мунньуллубут -  3,6 мөл. солк. Ону тэҥэ,  ГСК «Звездочка» (3,5 мөл. солк.), ГСПК «Кальвица» (2,7 мөл. солк.), ГСПК «Мохсогол» (2,1 мөл. солк.), ГСПК «Монтажник-2» (1,7 мөл. солк.), ГПК «Жигули-Вертикаль» (1,7 мөл. солк.).

Иэстээхтэри кытта уһуннук кэпсэтэ, быһаарыы үлэтин ыыта сатаан баран билигин энергоресурсалартан араарарга күһэллэн эрэллэр. 2026 сыл устата 98 гараас кэпэрэтиибэ итиитэ, уота араарыллыбыт. Онон иэстээх кэпэрэтииптэр иэстэрин төлөһүөхтэригэр диэри уота да, сылааһа да суох хаалар буолбуттар.

Энергоресурсалары арааралларын таһынан, административнай эппиэтинэскэ тардыллыахтарын, үптэрин былдьатыахтарын сөп. Сыл саҕаланыаҕыттан уопсайа 24 мөлүйүөннээх 38 иск суукка тиэрдиллибит.

Ол иһин кэпэрэтииптэр салалталарын энергетиктэри кытта кэпсэтэргэ, төлөбүрдэри хомуйарга, иэстэн босхолонорго ыҥыраллар.