7 км курдук усталаах суол 2026 сылга үлэҕэ киириэхтээх

Сэргэлээх шоссетыгар хапытаалынай өрөмүөн Гимеин кольцевой суолуттан саҕалаан Сэргэлээх шоссетын 8 км баар 1 №-дээх дьиэҕэ диэри ыытыллар. Бу учаастак уопсай уһуна 3 км тахса. Үлэҕэ «Дороги Саха» САУо эппиэттиир. Учаастак уһуна 3,470 км. Манна аспаалы ууруу түмүктэнэн, тротуар, бордюр үлэтэ хаалан турар.

Чернышевскай уулуссаттан Крупскаяҕа диэри Лиза Чайкина уулуссаҕа өрөмүөн 490-тан тахса миэтэрэ уһуннаах учаастакка ыытыллар. Үлэни-хамнаһы «Тулаһын» ХЭТ ыытар. Учаастак уһуна 0,496 км. Бүгүҥҥү күҥҥэ манна сири көҥүлэ суох бас билии түгэннэринэн суут дьыалалара бара туралларынан, үлэ атырдьах ыйын саҥатыгар диэри тохтотуллубут.

Халтурин уулуссатыгар хапытаалынай өрөмүөн Строительнай уулуссаттан Якутская уулуссаҕа диэри учаастакка ыытыллар. Бу учаастак 590 м тахса уһуннаах, ол өрөмүөнүгэр эмиэ «Дороги Саха» САУо эппиэттиир. Манна Семилетка уулуссатыгар диэри аспаал аллараа араҥата ууруллубут, канализация холуодьастарын көтүрэллэр.

Кангалаас микро-оройуонугар Дачнай уулуссаҕа эмиэ бу тэрилтэ үлэтин салҕыыр, үлэ 1260 м усталаах учаастакка ыытыллар. Манна аспаал аллараа араҥатын, уу хладьаларын ууруу ыытыллар.

Хабаров, Ярославскай, Чернышевскай уонна Ефимов уулуссалар быһа охсуһууларыгар быйыл 254 м уһуннаах эбийиэккэ үлэни толорууга «РИК АВТОДОР» эппиэттиир. Эмиэ суол аллараа араҥата тэлгэнэн, ититэр ситимнэр компенсатордарын уларытан туруора сылдьаллар.

Былааннаммыт эбийиэктэргэ 203-с түөлбэҕэ баар 420 м усталаах Ефимов уулуссатын тутуута уонна 273 м уһуннаах Ленскэй уулусса хапытаалынай өрөмүөнэ киирэллэр. Ефимов уулуссатыгар аспаал аллараа араҥатын ууруу, парковкалар миэстэлэрин оҥоруу, уу халдьаларын тардыы ыытыллар.

https://kiinkuorat.ru/articles/en-uulussa-byyyl-r-m-nnener-duo

«Главстрой» Олохтоох дьаһалта преас-сулууспатыгар информациятынан.