65+ саастаахтарга диспансеризация

Үгүс ыарыы саҕаланыыта киһиэхэ бэйэтигэр биллибэккэ буолар. Олох хаачыстыбата мөлтөөбөтүн туһугар эрдэ бэрэбиэркэлэнии, көрдөрүнүү элбэҕи быһаарар.

Диспансеризацияҕа киирэр:

• Терапевт быраас консультацията
• Анаалыстар (холестерин, глюкоза), ЭКГ
• Глаукоманы сэрэтэр сыаллаах харах дабылыанньатын бэрэбиэркэлииллэр
• Онкоскрининг (маммография, ПСА-тест, суон оһоҕос хааннаныытын анаалыһа).

Кыра да кэһиллии баар буоллаҕына, салгыы моой уонна атах тымырдарын УЗИ-тыгар ыыталлар. Ону тэҥэ невролог, хирург, офтальмолог быраастар эбии чинчийиилэрэ наада буолуон сөп.

Диспансеризация “Үйэлээх уонна көхтөөх олохтонуу” национальнай бырайыак чэрчитинэн босхо ыытыллар.

Диспансеризацияҕа бэйэҕит поликлиникаҕыт регистратуратын эбэтэр Госуслуги портал нөҥүө суруттараҕыт.