50 сыл бииргэ олорбуттар уонунан тыһыынчаны ылыахтарын сөп: хайдах?

Үйэ аҥаара бииргэ олорбут кэргэнниилэр судаарыстыбаттан биир кэмнээх көмөнү ылыахтарын сөп. Көмө кээмэйэ регион быһаарыытыттан тутулуктаах.

“Төлөбүрү ылар олус судургу: 50 сыл бииргэ олорбуттар социальнай көмүскэл уорганыгар кэргэннии буолбуттарын туһунан сибидиэтэлистибэ уонна сайабылыанньа биэрэллэр”, – диэн юрист этэр.

Төлөбүр ыларга сүрүн усулуобуйалар:

- кэргэннии буолбуттара 50 сыл буолуохтаах;

- иккиэн РФ гражданина буолуохтаахтар;

- төлөбүр кэргэнниилэртэн биирдэрин счетугар оҥоһуллар;

- босуобуйа үрдээбитэ – 50 000 солкуобай (түмүк кээмэйи регион бэйэтэ быһаарар).

Маныаха сокуонунан саахсата суох олоруу учуоттаммат – төлөбүр ылар быраап саахса дьиэтигэр докумуонунан бигэргэммит буолуохтаах. Бииргэ олорбот эрээри, сокуонунан арахсыбатахтар, харчы ылар бырааптаахтар диэн юрист бэлиэтиир.

Оттон биһиэхэ хайдаҕый?

Маныаха Саха сиригэр 20 сылтан итэҕэһэ суох олорбут, 50, 60 эбэтэр 70 сыл бииргэ буолбут паараларга 50 тыһыынча солкуобайдаах биир кэмнээх төлөбүр туһунан боппуруос сокуон таһымыгар үөрэтиллэр. Санатар буоллахха, өрөспүүбүлүкэҕэ атын өйөбүл миэрэтэ баар; холобур, 25 саастарыгар диэри бастакытын ыал буолбуттарга 50 тыһыынча солкуобайдаах көмө оҥоһуллар.