5 сылаас тохтобул быһаарылынна

Бүгүн, ыам ыйын 29 күнүгэр, куоластааһын түмүктэннэ. Нэдиэлэ устата куоластааһыҥҥа 932 киһи кытынна. Ол түмүгэр кыайыылааҕынан маннык тохтобуллар таҕыстылар:

1. «4 №-дээх почта» – Сэбиэскэй Аармыйа 50 сыла уулусса (куорат диэки барыыга) – 414 куолас;

2. «Кыайыы паарката» – Өктөөп 50 сыла Автострада (куорат диэки барыыга) – 220 куолас;

3. «Патриот» (ДьКСТ) – Очиченко уул. (куорат диэки барыыга) – 193 куолас;

4. «Кулаковскай аатынан НДДь» – Дзержинскэй уул. (аэропорт диэки барыыга) – 150 куолас;

5. «Цирк» – Поярков уул. (Киров уул. диэки барыыга) – 102 куолас.

Бэлиэтээн эттэххэ, куоластааһыҥҥа коммуникацията суох сиргэ тутуллуон сөптөөх 10 тохтобул турбута. Мантан куорат олохтоохторо хас да тохтобулу талар кыахтаах этилэр.

Куолас ахсаана маннык буолбут:

1. «Набережнай» – Лермонтов уул. (Каландаришвили уул. диэки барыыга) – 6.87 %;

2. «14 №-дээх оскуола» – Лермонтов уул. (Сэргэлээх диэки барыыга) – 6.44 %;

3. «Агротехнологическай университет» – Сэргэлээх шоссета (Красильников уул. диэки барыыга) – 5,36 %;

4. «Патриот» (ДьКСТ) – Очиченко уул. (куорат киинин диэки) – 20.82 %;

5. «Цирк» – Поярков уул. (Киров уул. диэки барыыга) – 11.16 %;

6. «Кыайыы паарката» – Өктөөп 50 сыла Автострада (куорат киинин диэки барыыга) – 23.71 %;

7. «Акварель» – Поярков уул. (икки өттүгэр) – 6.87 %;

8. «4№-дээх почта» – Сэбиэскэй Аармыйа 50 сыла уулусса (куорат диэки барыыга) – 44.53 %;

9. «Уу тырааныспарын института» – Богатырев уул. (Дзержинскэй уул.) – 7.3 %;

10. «Кулаковскай аатынан НДДь» – Дзержинскэй уул.(аэропорт диэки барыыга) – 16.52 %.

Куоластааһын түмүгүн манна көр. 

Саха сиригэр тутуу сезона кылгаһынан куоластааһын сайын ыытыллан, кыттааччы күүтүллүбүттээҕэр аҕыйах буолуон сөп. Ол эрээри түмүгү көрдөххө, куорат кытыы оройуоннарыгар баар уулуссаларга сылаас тохтобуллар тутуллар буолбуттара үөрүүлээх.

Санатар буоллахха, куорат дьаһалтатын былаанынан сыл аайы куоракка 10-нуу саҥа сылаас тохтобул үлэҕэ киирэр. Ол курдук, ааспыт 5 сыл иһигэр уопсайа 87 сылаас тохтобул баар буолла: 61 муниципальнай, 26 чааһынай. Эһиил бу испииһэги бүгүн талыллыбыт тохтобуллар хаҥатыахтара.