400 тыһыынчаттан тахса киһи диспансеризацияны ааста

Саха Өрөспүүбүлүкэтигэр 2025 сылга 400 тыһыынчаттан элбэх киһи диспансеризацияны уонна профилактическай көрүүнү ааста. Доруобуйа харыстабылын министиэристибэтигэр бэлиэтээбиттэринэн, олохтоохтор бэйэлэрин доруобуйаларыгар болҕомтолоро күүһүрбүт, эрдэ диагностика туруоруутугар быраастарга көрдөрөллөрө элбээбит.

Бэрэбиэркэ түмүгүнэн, сүрүн кутталлаах биричиинэлэр быһаарыллыбыттар. Бэрэбиэркэлэммит дьонтон 52,7%-гар мөлтөх аһылык, аҕыйахтык хамсанар олохтоох дьон – 47,6%-гар, 29,6%-гар үрдүк холестерин баара быһаарыллыбыт.

Уопсайа 9 502 араас ыарыы түбэлтэ аан бастаан булулунна. Олор истэригэр – 429 искэн (рак), 3163 сүрэх-тымыр ыарыыта, ол иһигэр 2 664 хаан баттааһынын үрдээһинэ, 316 ишемическай ыарыы баар. Ону тэҥэ, 764 саахар диабета, 657 аһы буһарар систиэмэ патологията уонна 383 тыынар уорган ыарыыта быһаарыллыбыт.

2026 сылга өрөспүүбүлүкэ нэһилиэнньэтин 70%-нын профилактическай бэрэбиэркэнэн хабыы былааннанар.

Бу туһунан “Комсомольская правда – Якутии” порталга Ася Долецкая суруйар.