390 тыһыынчаттан тахса кубометр хаар тиэйилиннэ

Дьокуускай куораты санитарнай ыраастыыр штаб нэдиэлэтээҕи мунньаҕар хаары-мууһу ыраастааһын үлэтэ хайдах бара турарын, ону тэҥэ ирбит ууну аһардыыга бэлэмнэнии туһунан дьүүллэстилэр. Мунньахха куорат уонна куорат кытыытынааҕы уокуруктар территориальнай управлениеларын уонна хомунаалынай сулууспалар салайааччылара нэдиэлэтээҕи үлэлэрин кэпсээтилэр.
"Якутдорстрой" АУо  иһитиннэрбитинэн тэрилтэ 214 куб. м хаары Сэбиэскэй Армия 50 сыла уулуссаҕа баар хаар полигонугар таспыт. Атын тэрилтэлэр 175-тэн тахса куб м хаары тиэйбиттэр. Хаар полигонугар 2024 с. алтынньытыттан уопсайа 390 тыһ. тахса куб. м хаар таһыллыбыт. Халаан уутугар бэлэмнэнии тэрээһининэн ирбит хаар уута түһэригэр анаан 50 дириҥиир сир (приямка) баарыттан 30-та бэлэмнэммит, 50 турба ситимиттэн 12-тэ паардаммыт.
"Водоканал", "Теплоэнергия" АУо-лар, "Жилкомсервис", "ПТСК" МУТ-тар 5,2 хах мууһу (наледь) тиэйбиттэр.
Территориальнай уорганнар управлениелара (уокуруктар управалара, куорат кытыытынааҕы уокуруктар дьаһалталара) олунньу 1 күнүттэн  бэдэрээтчит тэрилтэлэр күүстэринэн былааҥҥа баар 2846 куб. м хаартан 2330 куб. м хаары (82%), 3670 куб. м хах мууһу тиэйбиттэр, 949 тиэргэн территориятын ыраастаабыттар, 10702 куб. м. сарай хаарын түһэрбиттэр.
Бэлиэтээн эттэххэ, олунньу 1 күнүттэн бэс ыйын 1 күнүгэр диэри Дьокуускай куорат уокуругар сааскы территорияны ыраастааһын биллэриллэн турар.