3400-тэн тахса үтүө дьыала оҥоһулунна

Кинилэр барыта 3 453 үтүө дьыаланы оҥорбуттар, диэн ыччат уонна социальнай коммуникациялар дьыалаларыгар миниистири солбуйааччы Александр Максимов иһитиннэрдэ. Кини этэринэн, өрөспүүбүлүкэ улахан штабтара 144 000-тан тахса оҥоһугу бэлэмнээбиттэр, оттон 8 000-тан тахса байыаннайга таҥас-сап бэриллибит. Регионнааҕы гуманитарнай көмөнү тутар пууннар үлэлииллэр, ол иһигэр «Илии сылааһа» («Тепло материнских рук») иистэнэр сыах, «Боевые шелкопряды Якутии», «Якутия с тобой», «Внуки победителей», «ДоброVольцы», «ШТОРМ», «ВОЛОНТЕРЫ САХА», «Серебряные волонтёры «Молоды душой», «Волонтеры Туймаады», «От сердца – к сердцу» хамсааһыннар бааллар. Кинилэр араас нэһилиэнньэлээх пууннарга, ол иһигэр саамай ыраах сытар оройуоннарга аһыллыбыттар.

#МЫВМЕСТЕ аахсыйа эрэгийиэннээҕи штаба СВО саҕаланыаҕыттан Саха сиригэр үлэлиир. Муниципальнай штабтар өрөспүүбүлүкэ бары 36 оройуоннарыгар уонна куораттааҕы уокуруктарыгар аһыллыбыттар. Добровольческай хамсааһыннар байыаннайдарга 152 туоннаттан тахса таһаҕаһы уонна 5 900 аадырыстаах баһыылканы хомуйан ыыппыттар. 70 000 квадратнай миэтэрэттэн тахса хаххалыыр сиэккэни оҥорбуттар. Штабтар үлэлэригэр 6 500-тэн тахса волонтер кыттыбыт.