204-с түөлбэ маастар-былаанын оҥоруу ыйытыгар кыттыҥ

Күн бүгүн Дьокуускай куорат 204-с кыбартаалын (Киин уокурук) маастар-былаанын оҥорууга үлэ ыытылла турар. Дьокуускай уокуруктааҕы дьаһалтатын Куораты тутууга уонна архитектураҕа департамена куорат олохтоохторун социологическай ыйытыкка кыттарга ыҥырар. Бу туһунан Дьокуускай уокуруктааҕы дьаһалтатын пресс-сулууспата иһитиннэрдэ.

204-с кыбартаалы сайыннарыы уокуругу социальнай инфраструктура эбийиэктэринэн, ол иһигэр куорат олохтоохторун үөрэхтээһин, култуура, спорт уонна сынньалаҥ эбийиэктэринэн, хааччыйыыга туһуланыаҕын маастар былааны оҥорооччулар тоһоҕолоон бэлиэтииллэр. «Бары өттүнэн табыгастаах, аныгылыы куорат эйгэтин тэрийиигэ эһиги санааҕыт сүрүн күлүүс буолар. Биһиги саҥа уопсастыбаннай сири бырайыактыырбытыгар хас биирдии олохтоох интэриэһин болҕомтоҕо ылабыт. Ыйытыкка кыттыыгыт Дьокуускай куораппытын өссө табыгастаах уонна аныгылыы көрүҥнээх оҥорорбутугар көмөлөөх буолуоҕа», – диэн куорат олохтоохторугар туһаайаллар.

Ыйытыкка бу QR-куодунан киирэн кыттыахха сөп.