203-с дьоҕус түөлбэ олохтоохторун истиитигэр!

Губинскай уокурук управатын дьаһалтата уокурукка суолу оҥорууга бэлэмнэнии саҕаламмытынан олохтоохтору Ефимов аатынан уулуссаны уонна Күөх Хонуу оройуонун «тоҥоруллубут» массыыналартан босхолуурга ыҥырар.

Суол өрөмүөнэ саҕаланан эрэринэн, манна тутуу матырыйаала тиэйиллиэҕэ. Ол курдук, ыйыллыбыт оройуоҥҥа кыстаабыт массыыналаахтар суһаллык тиэхиньикэлэрин ириэрэн, атын сиргэ туруоруу боппуруоһун быһаараллара ирдэнэр. Сиһилии Губинскай управаттан билсиҥ: Дьокуускай к., Богатырев уул., 11 (+7 (4112) 45‒32‒23).