2027 сыл түмүктэниэр диэри 6000 тахса киһи саҥа дьиэҕэ көһүөҕэ

Миниистир этэринэн, итинник олохтоохтор ахсааннара төһө да аҕыйаан иһэрин үрдүнэн, 12,5 млрд солкуобай суумалаах федеральнай өйөбүл дьону дьиэнэн хааччыйыыны биллэ түргэтэтиэҕэ. Өрөспүүбүлүкэ сайаапканы ситиһиилээхтик көмүскээбитинэн, Территориальнай сайдыы пуондата үбүлээһини 2026 уонна 2027 сылларга көһөрөр кыахтаныаҕа. Бу икки сыллааҕы былааҥҥа 116 000 квадратнай миэтэрэ иэннээх хаарбах дьиэни көһөрүү киирэр, бу урут үп суоҕунан көһөрүллүүгэ хапсыбатах 6190-тан тахса олохтооххо дьайыа.

"Олох инфраструктура" национальнай бырайыак чэрчитинэн 2025-2026 сылларга көһөрүү бырагырааматын чэрчитинэн, 2017 сыл тохсунньу 1 күнүн кэнниттэн хаарбаҕынан ааттаммыт дьиэлэртэн 2000 кэриҥэ киһини көһөрүү былааннанар. Көһөрүү дьиэтин уопсай иэнэ 32 000 квадратнай миэтэрэ буолуоҕа, онтон 14 тыһ. кэриҥэ киһитэ Дьокуускайга олорор. Бырагыраамаҕа 32 элбэх кыбартыыралаах дьиэ киирэр.