2026 сылга оҕону оскуолаҕа тэрийэн ыытыы төһө буолла?

Орто сыаналары суоттуулларыгар статистика кэтээн көрүүлэрэ ыытыллар сирдэрэ хапсыбыттар: Дьокуускай, Мииринэй, Нерюнгри, Өлүөхүмэ, Бүлүү, Зырянка (Үөһээ Халыма) уонна Усть Нера (Өймөкөөн). Оҕо таҥаһын сыанатын суоттуулларыгар 122-164 см үрдүктээх оскуола оҕотун кээмэйин ылбыттар.

Стандартка эппиэттиир нобуорга оскуола үрүсээгэ, 5 авторучка, 5 боростуой харандаас, фломастер нобуора, уруһуй альбома, 5 учуобунньук уонна 4 тэтэрээт киирбит. Оскуола тээбириннэрин уопсай сыаната төрөппүттэргэ 8 694,31 солк. буолбут.

Оскуолаҕа кэтиллэр формаҕа уолга 2 бүрүүкэ, 3 ырбаахы, джемпер, спортивнай көстүүм, 2 футболка, 5 паара наскы, түүпүлэ, бачыыҥка, кроссовка киирбит. Бу таҥас сыанатын уопсай суумата  23 679,45 солк. диэн суоттаммыт.

Кыыска 2 футболка, джемпер, спортивнай көстүүм, наскы, атах таҥаһа суоттаммыт. Маны таһынан 3  колгуокка, 3 блузка, 2 дьууппа, 2 былааччыйа суоттаммыт. Уопсай суумата  28 653,21 солк. буолбут.

Бүгүҥҥү бырааһынньыкка учууталга бэлэхтэнэр сибэкки дьөрбөтүн сыаната ортотунан 3099,95 солк. быһыллыбыт.

Инньэ гынан, Сахастат суоттаабытынан, Саха сиригэр оскуола оҕотун тэрийэн ыытыы быйыл 64 126,92 солк. тэҥнэспит.