2026 сылга «Дьулуур» спорт адаптивнай көрүҥнэригэр спартакиада Дьокуускайга ыытыллыаҕа

Бэс ыйын 16-19 күннэригэр үбүлүөйдээх XV «Дьулуур» спорт адаптивнай көрүҥнэригэр спартакиада Дьокуускай куоракка былааннанар. Күөн күрэс ураты көрүҥэр өрөспүүбүлүкэ бары муннуктарыттан 900 киһи кыттыаҕа. Санатар буоллахха, инники былаанынан спартакиада Бүлүүгэ ыытыллыахтаах этэ.

Күрэхтэһии спорт сэттэ көрүҥэр тэриллэр. Үгэс буолбут олорон эрэн волейбол, голбол, чэпчэки атлетика, дуобат, остуол тенниһэ көрүҥнэргэ анал байыаннай дьайыы кытыытаахтарыгар анаан буулдьанан ытыы киирбит. Маны сэргэ саҥа көрүҥ быһыытынан саха оҕунан ытыы баар.

Бэлиэтээн эттэххэ, «Дьулуур» спорт адаптивнай көрүҥнэригэр спартакиада аан бастаан 2004 сыллаахха эмиэ Дьокуускай куоракка 120 спортсмен кыттыылаах ыытыллыбыта, диэн Ил Дархан уонна Бырабыыталыстыба пресс-сулууспата иһитиннэрэр.

Хаартыска: XIV спартакиада архыыбыттан