2026 сылга 5 тыһ. тахса ыал «Үйэ оҕолоро» тус сыаллаах хапытаалынан туһаммыт

2026 сылга өйөбүл бу көрүҥүнэн 5 186 ыал туһаммыт,

Ил Дархан уонна Бырабыыталыстыба пресс-сулууспата суруйарынан, бу харчыны ыаллар сүрүннээн дьиэ-уот усулуобуйатын тупсарыыга ыыппыттар – 3088 сайабылыанньа. Ол кэннэ тырааныспар атыылаһыыта (668), оҕону үөрэхтээһин (272), оҕо аатыгар бааҥҥа уурунуу (96), кэтэх хаһаайыстыбаны сайыннарыы (33), үрдүк технологиялаах медкөмөнү оҥоруу уонна гаас киллэртэриитин (18-тыы), дьиэ кэргэнинэн сынньалаҥ (14) хайысхаларыгар туһаҕа таһаарбыттар. Саамай аҕыйах сайабылыанньа – 3 – оҕо олоҕун уонна доруобуйатын страховкалааһыҥҥа киирбит.

Санатар буоллахха, «Үйэ оҕолоро» тус сыаллаах хапытаалы ыларга төрөппүттэр иккиэн Арассыыйа гражданнара уонна Саха сирин олохтоохторо буолуохтаахтар. Өйөбүл бу миэрэтэ Саха АССР төрүттэммитэ 100 сылынан хас биирдии төрөөбүт оҕоҕо 100 тыһ. солк. кээмэйдээх олохтоммута уонна 2027 с. диэри уһатыллыбыта. Хапытаал кээмэйэ билигин 116 756 солк. тэҥнэһэн турар.