2026 сылга 27 киинэ тахсыаҕа

Форумҥа култуура дьиэлэрэ эрэгийиэн киинэ индустриятын сайдыытыгар кылааттарын дьүүллэстилэр. Чиряев этэринэн, былырыын саха киинэлэрэ 280 мөлүйүөн солкуобайы хомуйбуттар, оттон хартыыналар хаачыстыбалара уонна каассаҕа киллэриилэрэ үрдүүр.

“Уон сыл анараа өттүгэр саха киинэтэ сылга 3 мөлүйүөн солкуобайы хомуйара, билигин — 50 мөлүйүөн солкуобайы”, — диэн Петр Чиряев эттэ.
Үлэһиттэргэ сыыппара өҥөлөрө көмөлөһөллөр: оборудованиены кытта киинэ саалалара «Сберафишаны» ылаллар. Кини көмөтүнэн киинэҕэ эрэ буолбакка, кулууп тэрээһиннэригэр билиэт атыылаһыахха, Пушкин каартатын туһаныахха сөп. Көрөөччүлэр санааларын учуоттуур туһугар «Экстра Синема» мобильнай сыһыарыыта үлэлиир. Ол нөҥүө көрөөччүлэр киинэлэри сыаналыыллар, оттон прокаты тэрийээччилэр репертуары тэрийиигэ итини барытын учуоттууллар.

“Экстра Синема” Саха сиригэр киинэ саалалар ситимнэрин салгыы сайыннарар. Муус устар ыйга Белая Гора бөһүөлэккэ оройуоҥҥа бастакы киинэ ситимэ үлэтин саҕалыа — манна ССРС саҕаттан аан бастаан киинэ көрдөрүүтэ сөргүтүллүөҕэ.