2025 сылга уулусса өрөмүөнэ 12 эбийиэккэ ыытыллаары турар

«Куттала суох уонна хаачыстыбалаах суоллар» национальнай бырайыагынан 2025 сылга Дьокуускай куоракка уулусса өрөмүөнэ 12 эбийиэккэ уопсайа 15 км тахса усталаах кэрчиккэ ыытыллыаҕа:
Тутуу сакаасчытынан «Главстрой» МКУ буолар. 
2025 сылга ханнык уулуссаларга өрөмүөн ыытылларый?
– «Тускул» түөлбэ Бэс Чагда уулуссата;
– «Тускул» түөлбэ Хатыҥ Чараҥ уулуссата;
– Сыырдаах нэһилиэгин Скрябин, Сайдыы, Крестьянскай, Фермерскэй, Кэскиллээх, Церковная уулуссалара;
– Белинскэй уулуссатын Октябрьскай уулуссаттан Петровскай уулуссатыгар диэри кэрчигэ;
– Севастопольская уулусса Курнатовскай уулуссатыттан Өктөөп 50 сыла автострадаҕа диэри кэрчигэ;
– Халтурин уулуссатын Строителлэр уулуссаларыттан Якутская уулуссаҕа диэри кэрчигэ;
– Ленская уулусса Жорницкай уулуссаттан Ленская, 18 аадырыска диэри учаастага;
– Сэргэлээх суолун Гимеин эргиириттэн Сэргэлээх шоссетын 8 км, 1 №-дээх дьиэтигэр диэри;
– Хатаска элбэх оҕолоохторго бэриллибит сирдэргэ киирэр суол (2-с түһүмэҕэ);
– Лиза Чайкина уулуссатын Чернышевскай уулуссатыттан Крупская уулуссатыгар диэри кэрчигэ;
– Капитоновка сэлиэнньэтигэр Заречная уулусса;
– Бестужев-Марлинскай уулуссатын Богдан Чижик уулуссатыттан Кальвица уулуссатыгар диэри кэрчигэ (2-с учаастак).
Санатар буоллахха, 2024 уулусса-суол ситимин өрөмүөнүн үбүлээһинэ 2,45 млрд солк. этэ, 31,495 км усталаах суол нуормаҕа эппиэттиир турукка тиэрдиллибитэ, ол эбэтэр үлэ 21 эбийиэккэ ыытыллыбыта. 
2019 сылтан уопсайа 155 учаастакка 195,11 км усталаах суол оҥоһуллан, куорат суолларын 81,94% ирдэбилгэ сөп түбэһэр таһымҥа таҕыста. Оттон 2019-24 сс. үбүлээһин иэнэ 13,75 млрд солк. этэ, диэн иһитиннэрэр Олохтоох дьаһалта пресс-сулууспата.