2024 сылга үлэҕэ киирбит тутуулар туруктарын бэрэбиэркэлээһин саҕаланна

Киин куоракка ааспыт 2024 сылга үлэҕэ киирбит тупсарыы эбийиэктэрин туруктарын бэрэбиэркэлиир эриэйдэлэр ыытыллан эрэллэр.
Эриэйдэлэргэ куорат баһылыгын солбуйааччы Антон Алексеенконы кытта сакаасчыт «Главстрой» МХТ уонна бэдэрээттээх тэрилтэлэр бэрэстэбиитэллэрэ сылдьаллар.
Бастакынан Сайсары эбэ кытылын көрүү ыытылынна, бэдэрээттээх тэрилтэ – «Кинг-95» ХЭТ. Хамыыһыйа эбийиэк итэҕэстэрин ыйда, маны сэргэ бэдэрээтчиккэ тутуу култууратын кэһиигэ, чуолаан үлэ кэнниттэн элбэх бөҕү-сыыһы хаалларыыга, сэрэтии оҥоһулунна. 
Хантараак усулуобуйатын быһыытынан, «Кинг-95» ХЭУо ыйыллыбыт итэҕэстэри босхо туоратыаҕа. Онуоха диэри нэһилиэнньэ чуолаан тренажердар турар сирдэринэн Сайсары эбэ кытылынан дьаарбайара быстах кэмҥэ тохтуох тустаах. 
«Сайсары эбэ кытылын тупсарыы үлэтэ кыһыары күһүҥҥээҥҥэ диэри ыытыллыбыта. Көстүбүт итэҕэстэр сүрүннээн ону, тымныыга ыытыллыбыт үлэни кытта сибээстээхтэр. Онон нэһилиэнньэттэн быстах кэмҥэ бу эҥэр сылдьартан туттунарга уонна бырастыы гыналларыгар көрдөһөбүт», – диэтэ Антон Алексеенко, диэн иһитиннэрэр Олохтоох дьаһалта пресс-сулууспата.