20-с №-дээх оскуола эбии куорпуһа эһиил үлэҕэ киирэрэ былааннанар

5,3 тыһыынчаттан тахса кв. миэтэрэ иэннээх дьиэ 360 үөрэнээччигэ суоттаммыт, бу билигин 1240 оҕо үөрэнэр оскуолатын ноҕуруускатын биллэ аччатыахтаах.

Бэдэрээтчит – «Союз» ХЭУо сыл бүтүөр диэри дьиэ каркааһын бүтэрэр былааннаах, онтон эһиил ис өттүн оҥоруу уонна сирин-уотун тупсарыы үлэтин саҕалыахтаах.

Үс мэндиэмэннээх саҥа куорпуска аныгылыы тупсаҕай лабораториялар, көмпүүтэр кылаастара, остолобуой, аактабай уонна спорт саалалара баар буолуохтара, оттон тиэргэнигэр спорт былаһааккатын уонна сүүрэр суоллары оҥоруохтара.

Саха сирин тутууга министиэристибэтэ иһитиннэрэринэн, эбийиэк 2027 сыл IV кыбаарталыгар үлэҕэ киириэхтээх.