16 тыһыынчаттан тахса босхо сир учаастага элбэх оҕолоохторго бэрилиннэ

Элбэх оҕолоохторго өрөспүүбүлүкэ үрдүнэн бүгүҥҥү күҥҥэ 16 307 босхо сир учаастага бэрилиннэ, ол иһигэр 2026 сылга – 1091, диэн СӨ баайга-дуога, сир сыһыаннаһыыларпыгар министиэристибэтэ иһитиннэрэр.

Дьиэ кэргэҥҥэ оҥоһуллар бары көрүҥ өйөбүл «Дьиэ кэргэн» нацбырайыагынан, «Дьиэ кэргэн өйөбүлэ», «Элбэх оҕолоох дьиэ кэргэн», «Ийэ буолууну уонна оҕо сааһы өйөбүл», «Аҕам саастаах көлүөнэ» уонна «Дьиэ кэргэн сыаннастара уонна култуура инфраструктурата» федеральнай бырагыраамаларынан оҥоһуллар.

Кэлиҥҥи үс сылга элбэх оҕолоохтору сирн учаастагынан хааччыйыы үлэтэ тэтимирдэ. Ол курдук, өскөтүн 2023 сыллаахха 541 учаастак бэриллибит буоллаҕына, 2026 сылга бу көрдөрүү 1091 тэҥнэһэн турар.

Бүгүҥҥү күҥҥэ элбэх оҕолооҕунан босхо сир учаастагын ылар бырааптаах 14 863 дьиэ кэргэн баар. Олортон үгүс өттө Дьокуускай куоракка олорор, диэн Ил Дархан уонөна Бырабыыталыстыба пресс-сулууспата иһитиннэрэр. Санатар буоллахха, сир учаастагын оннугар харчынан төлөбүрү ылар быраап эмиэ баар.