16-с нүөмэрдээх оскуола хапытаалынай өрөмүөҥҥэ бэлэмнэнэр

Дьокуускайдааҕы С.Г. Чернышев аатынан 16-с нүөмэрдээх оскуоланы быйыл ыытыллыахтаах хапытаалынай өрөмүөҥҥэ бэлэмнииллэр. Бу туһунан Дьокуускай куорат үөрэҕин управлениета официальнай телеграм-каналыгар суруйда. 
Управление начальнига Мария Петрова өрөмүөн ыытыллыахтаах эбийиэгэр үлэ бэрээдэгинэн кэлэ сылдьан, барыахтаах үлэ кээмэйин көрдө. Оскуолаҕа үөрэҕи ыытыы тэрээһинин, үөрэх дьылын түмүктээһини кэпсэттилэр, өрөмүөн хаамыытыгар эбии туох наадатын дьүүллэстилэр.
Оскуола дириэктэрэ Наталья Ким оскуола кэлэктиибэ кэтэһиилээх өрөмүөнтэн санаата көтөҕүллэн, дьиэни босхолооһун, оборудованиены харайыы курдук бэлэмнэнии үлэтин саҕалаан эрэрин кэпсээтэ. 

 Хаартыска: Дьокуускай куорат үөрэҕин управлениетын телеграм-каналыттан