13 КРТ бырайыага үлэлиир

Куораты тутууга уонна архитектураҕа департамент салайааччыта Иван Гуляев иһитиннэрбитинэн, манна эбии үс маастар-былааны оҥорор сорук турар: 204-с уонна 211-с кыбартааллар сорох чаастара, Владимировка, Табаҕа уонна Эргэ Табаҕа территориялара, Марха Газовиктар уонна Кирзавод оройуоннара. Маны таһынан 111-с, 112-с, 75-с, 84-с, 167-с, 171-с, 11-с, 68-с кыбартааллар дьон олорор түөлбэлэрин, Крестьянскай ырыынак дьон олорор дьиэтэ суох эҥэрин, салгыы 86-с, 93-с кыбартааллар территорияларын кэлимник сайыннарыы былаана оҥоһуллуохтаах.

Бу туһунан Куорат дууматыгар буолан ааспыт Баайга-дуолга уонна сир сыһыаннаһыыларыгар сис кэмитиэт мунньаҕар кэпсэттилэр.