11 оптуобуска QR-коду ыйаабатаҕа быһаарыллыбыт.

Санатар буоллахха, чэпчэтиилээх төлөбүрү пассажирдар анал табличкаларга бэриллэр QR-код көмөтүнэн оҥороллор. Сорох оптуобустарга маннык табличкалары пассажирдар булан көрбөттөрүн, онон суоппардар тус каарталарыгар ыытарга күһэллэллэрин иһин куорат салалтата бэрэбиэркэ ыытарга дьаһайбыта. 

Маннык түгэҥҥэ ЯПАК МУТ эрийэн биллэриэххитин сөп:

8(4112) 357-711

8(4112) 318-744

Эбэтэр Про дороги и транспорт пабликка уонна 300-900 босхо нүөмэргэ эрийэн иһитиннэрэҕит. Эһигиттэн оптуобус, маршрут нүөмэрин хаартыскаҕа түһэрэн эбэтэр тылынан биллэрэр ирдэнэр.

Манна даҕатан, Дьокуускай куорат маннык технологияны Уһук Илиҥҥэ бастакынан киллэрбитэ. Дьокуускай куоракка оптуобуһунан айан сыаната бүгүҥҥү күҥҥэ 58 солк. тэҥнэһэр буоллаҕына, бу QR-код көмөтүнэн 45 солк. төлүүр кыах олохтоммута.