100 тыһыынчалаах буоллаххына, ханна угаргын сүбэлииллэр

Кини этэринэн, биир сыллаах болдьоххо улахан бааннарга сыллааҕы уурунуу (депозит) бырыһыана билигин 10–12% тэҥнэһэр. 2–3 ыйдаах кылгас болдьохтоох уурунуулары уһатан иһии, Родин чуолкайдаабытынан, өссө 1–3% үрдүк дохуоту аҕалыан сөп.

Харчыны уурунуоххун баҕарбат буоллаххына, накопительнай счет арыйыахха сөп. Маннык счеттарга бырыһыаннар 14%-ҥа тиийэллэр, оттон саҥа килийиэннэргэ аналлаах эбии бонус биэрэр бааннарга көстөххө, дохуот өссө үрдүөн сөп. Бу түгэҥҥэ 100 тыһыынча солкуобайтан сылга ортотунан 10–14 тыһыынча солкуобайы киллэриэххэ сөп, ону таһынан бу дохуокка нолуок төлөммөт.

Үсүһүнэн, судаарыстыбаннай облигацияларга (ОФЗ) угуу. Билигин Минфин уһун болдьохтоох кумааҕылара 14,7%-ҥа тиийэ дохуоту биэрэллэр, ол эрээри болдьохторо 10 сылтан ордук буолуон сөп. ОФЗ үчүгэйэ диэн — облигацияны хаһан баҕарар атыылаан, ааҕыллыбыт бырыһыаннарын сүтэрбэккэ ылыахха сөп.