100 бастыҥ педагогка 100 тыһ. солк. туттарыллыаҕа

Кэлэр көлүөнэлэр тус сыаллаах пуондалара «РНГ» АУо кытта быйыл төрдүс төгүлүн 100 бастыҥ учууталга 100 тыһ. солк. кээмэйдээх бириэмийэни туттарар күрэхтэрэ кулун тутар 3 күнүттэн саҕаланна.

Күрэх сыала – өрөспүүбүлүкэ үөрэҕин систиэмэтигэр сүҥкэн кылааттаах учууталларга өйөбүл. 
Саха АССР төрүттэммитэ 100 сылыгар олохтоммут бириэмийэ лауреаттарынан 300 педагог буолары ситиспитэ. 
Күрэххэ бары үөрэх кыһаларын учууталлара кыттыыны ылыахтарын сөп, өскөтүн үөрэнээччилэрин үөрэххэ ситиһиилэрэ, олимпиадаларга көрдөрүүлэрэ, научнай-чинчийэр үлэлэрэ, педагог тус ситиһиилэрэ о.д.а. билиниини ылбыт буоллахтарына. 
Күрэх тэрийээччилэрэ – СӨ Үөрэххэ уонна наукаҕа министиэристибэтэ уонна Кэлэр көлүөнэлэр тус сыаллаах пуондалара, диэн иһитиннэрэр Ил Дархан уонна Бырабыыталыстыба пресс-сулууспата.