1 Маай бырааһынньыгынан кэнсиэр, оһуохай буолуохтара

Санатар буоллахха, быйыл Үлэ, Саас, Маай бырааһынньыгыган маассабай сэлэлии хаамыы тэриллибэт. 
Бу күннэргэ кэтэхтэн «Үлэ киһитэ» хаартыска быыстапката, «Мелодии моей Родины» ырыа куонкурса, үлэ киһитин уруйдуур ырыаны айааччылар куонкурустара буола тураллар.
Маны сэргэ муус устар 28 – 30 күннэригэр территорияларынан сэрии, тыыл, үлэ бэтэрээннэрин, үлэһит династиялары, «Үлэ киһитэ» бириэмийэ лауреаттарын чиэстиэхтэрэ. Муус устар 28 – ыам ыйын 1 күннэригэр субуотунньуктары, волонтерскай аахсыйалары ыытыы, анал байыаннай дьайыы кыттыылаахтарын дьиэ кэргэттэригэр көмөнү оҥоруу, норуот күүлэйэ, дьаарбаҥкалар, спортивнай күрэхтэһиилэр, хаартыска быыстапкалара, ыччат патриотическай тэрээһиннэрэ былааннаналлар.

Сүрүн тэрээһиннэр бырагыраамалара:

Муус устар 28 күнэ 
11.00 ч. – СӨ Ил Дархана Айсен Николаев «Үлэ киһитэ» бириэмийэтин лауреаттарын үөрүүлээхтик чиэстээһин.
Буолар сирэ: Дьокуускай к., Можайскай уул., 25, Гагарин аатынан Култуура уонна аныгы искусство киинэ
Муус устар 30 күнэ
СӨ Үлэ-социальнай сыһыаннаһыылары сүрүннүүр үс өрүттээх хамыыһыйа «Об участии в Первомайской акции профсоюзов в 2025 году» мунньаҕа. 2025 сылга бастыҥ үлэһит династиялар Бочуот кинигэлэригэр киирбит ыаллары чиэстээһин.
Буолар сирэ: Дьокуускай к., Киров уул., 11, Бырабыыталыстыба 1 №-дээх дьиэтэ, Өрөспүүбүлүкэ саалата

Ыам ыйын 1 күнэ
10.00 ч. – «Саха» НКИХ быһа эпиирин саҕалыыр. Эпииргэ профсойуустар тэрилтэлэрин салайааччылара, үлэһит династиялар, «Почетный наставник Республики Саха (Якутия)», «Человек труда» бириэмийэлэр номинаннара кыттыыны ылыахтара. 
12.00 ч. – «Трудовая слава Якутии» Үлэ, Саас, Маай бырааһынньыгынан эҕэрдэ, кэнсиэр, оһуохай.
Буолар сирэ: Дьокуускай к., Доҕордоһуу болуоссата.