1 №-дээх оскуола тутуута түмүктэнэн эрэр

Санатар буоллахха, оскуола бастакы сыбаайата 2024 сыл муус устар 27 күнүгэр Өрөспүүбүлүкэ күнүгэр үөрүүлээх быһыыга-майгыга саайыллыбыта. Маҥнайгы бырайыагынан эбийиэк 250 миэстэҕэ оҥоһуллубута уонна тутуу Арассыыйа бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев сорудаҕынан саҕаламмыта. Дьокуускай куорат маастар-былааныгар киирбитэ.

Куорат дууматын 21-с уочараттаах сессиятыгар Үп департаменын начаалынньыга Ольга Максимова оскуола 2026 сылга үлэҕэ киирэргэ бэлэмин иһитиннэрбитэ.

4 мэндиэмэннээх, 6 тыһ. кэриҥэ кв миэтэрэ иэннээх саҥа дьиэ куорат былыргы тутууларын санатар ураты дизайннаах.

2026 сылга киин куоракка маны сэргэ Сэргэлээх суолун 12 км Адаптивнай үөрэхтээһин комплексын уһуйаана, «Звезднай» түөлбэҕэ 315 миэстэлээх уһуйаан уонна 990 миэстэлээх оскуола, Пирогов уулуссатыгар 4 №-дээх анал коррекционнай оскуола дьиэтэ уонна икки спорт оскуолата үлэҕэ киириэхтэрэ.

Куорат маастар-былаанынан 2030 сылга диэри уопсайа 12 уопсай үөрэхтээһин тэрилтэтэ уонна 14 уһуйаан үлэҕэ киириэхтэрэ.