1 №-дээх Оҕо искусствотын оскуолатын өрөмүөнэ быйыл сайын саҕаланыаҕа

Ол уонна оскуола дьиэтин муниципальнай бас билиигэ көһөрүү, хапытаалынай өрөмүөн былаанын туһунан куорат баһылыга Евгений Григорьев кулун тутар 4 күнүгэр оскуола төрөппүттэрин кытта көрсүһүүгэ эттэ.

«Быйыл сайыҥҥыттан кыралаан өрөмүөннээн саҕалыахпыт. Бастатан туран уу, сылытыы, канализация, баһаартан сэрэхтээх буолуу, вентилияция ситимнэрэ оҥоһуллуохтарын наада», – диэтэ Евгений Григорьев.

Оттон хапытаалнай өрөмүөн бырайыага оҥоһулуннаҕына, баһылык төрөппүттэри кытта сайын олохтоохтук көрсүөхпүт диэн эрэннэрдэ.

Санатар буоллахха, олунньу 25 күнүгэр Ил Дархан Айсен Николаев ДШИ-ни уонна художественнай оскуоланы үлэлии олорбут Ярославскай уулуссаҕа турар тутууларыгар хаалларар быһаарыыны ылыммыта, диэн иһитиннэрэр Оохтоох дьаһалта пресс-сулууспата.