ҺӨҔҮҤ

Уолба орто оскуолатын учууталларын «Умсулҕан” методхолбоһугун учууталлара Төрөөбүт тыл, сурук-бичик күнүн көрсө сылын аайы нэдиэлэ устата араас тэрээһиннэри ыыталлар. Ол курдук, быйыл “Страница-26” үс омук тылынан чуолкайдык ааҕыы чемпионата. “Куолу” араатардар күрэхтэрэ, сэдэх кинигэ быыстапката, тылы билиигэ “СахаТылShorts” тэттик видео күрэһэ, “Умсулҕан” , “Өй” интеллектуальнай оонньуулар, о.д.а. ыытылла тураллар. Оҕолор нэдиэлэ устата саха тылыгар уонна литературатыгар, нуучча тылыгар уонна литературатыгар, омук тылыгар, историяҕа сыһыаннаах ыйытыыларга хоруйдаан, балл ылаллар. Кыайыылаах салгыы аукциоҥҥа кыттар.

Нэдиэлэ биир көхтөөх тэрээһиттнинэн "ҺӨҔҮҤ" челлендж буолбут.

Бу туһунан сиһилии  дириэктэри иитэр үлэҕэ солбуйааччы учуутала Анна Боппосова:

–  Быйыл "ҺӨҔҮҤ" челленджпитин таҥаска араас ньыманан сурунан кэтэр, видеоҕа устар гына тэрийдибит. Оҕолор, учууталлар сонун ньыманан оҥостубуттара биһирэнэр. Нарыйа Юнчанова эһэтэ Марат Егорович Юнчановы кытта хоһоон айбыт. Ону футболкатыгар түһэттэрбитэ сонун көстүү буолла. Төрөөбүт тылбыт ураты дорҕоонун буукубаларын учууталлар үөрэнээччилэрбитиниин быысыпканан, арааһынан киэргэтэн суруммуттара сонун буолла. Маны барытын видеоҕа уһуламмыт, оскуолабыт историятын биир страницатын оҥордубут. Оттон 8 кылаас үөрэнээччилэрэ төрөппүттэрин уонна шефтээх 1976 сыллаах оскуолабыт выпускниктарын кытта Уолба күөлүгэр киирэн хаарга ҺӨҔҮҤ суруйдулар.
Дьэ бу курдук кэнчээри ыччаппытыгар ураты дорҕоону иҥэрэрбит олус бэрт буолбаат?

ҺӨҔҮҤ, доҕоттоор!